schöttu-gschechte

 

wie esches i wägedem ergange?

was erläbe d'lottospeler?

wie gsehts so us wenn lotto gschpöut werd?

schmotzige donnschtig

 

en tolle tag, de ganzi tag schöttle, d'cécile hed bsuech vo ehrem gottemeitli, guuggemusigsound gniesse, sech lo triibe, frönde träffe, d'näbelhüüler gseh ond lose, senge, stuune, bestuunet wärde, fotogen si, lotto schpele, lottoköniginne erkore, plagette erschtoh, d'sonne gniesse, am obe a de fasnacht blibe....

rüüdige friitig


en gmüetleche tag, usschloofe, zmörgele, lozärner omzog am färnseh luege, schränze ohni gränze, käffelle, meh schränze ohni gränze, weder käffelle a de sonne, kulturfasnacht sorsi, s'glotti ond de glötti send z'bsuech cho, bsuech vom noah sim gotti ond de flurina, frönde ond bekannti träffe, schöttle, tee trenke, omzog is städtli metem heinivatter, es esch gschöttlet worde met de fisigöggeler, fondue met de fisigöggeler, ziitig hei i die warmi stobe....

rüüdige samschtig

 

s'normale samschtigmorgeprogramm, schlagzügspele, metem gönner noah am gönnerapero vo de näbelhüüler, erörtere ab wenn mer bi de näbelhüüler cha si, d'plagette vo de näbelhüüler gäge en tresorschlössu itusche, chli lozärner fasnacht gniesse, s'glotti ond de glötti träffe, bsuech vo öisem ehemalige höudegötti (2013 - mer send höude) met sinere famelie, in sorsi schöttle, lottokönige fende, frönde träffe, de heinivatter zom lottokönig ernenne, s'erschtimou s'monschter sorsi metloufe, nochli guuggemusige gniesse...

güdismäntig


en nöie tag, metemene feine zmorge starte, gässle, fototermine met tuusige toreschte, schöttle met frönde, schöttle met bsuecher, lottokönige kröne, guugemusige lose, soo vöu mönsche, en plagette im hotel des balances abhole, s'glotti ond de glötti mermous träffe, gässle, kafi trenke, en usflog of asie, de moff i de ladina verspräche, de noah esch es wandelnds fasnachtslexikon - weiss zo allem on jedem en hendergrondgschecht, onder de egg luege, en öbberraschig för d'könige deheime - danke glotti ond glötti!

güdiszischtig

 

usschlofe, gmüetlech zmörgele, am mettag werder starte, chli guuggemusig lose, s'glotti ond de glötti träffe, gässle, frönde träffe, schöttle, die letschte lottokönige kröne, s'chendermonschter loufe - viellecht s'letschtmou, gässle, stuune, fein znacht näh, s'grosse monschter luege, s'letschtimou i de näbelhüüler wenke, müed, glöcklech ond ou truurig absched vo de fasnacht näh, härzschmärz - weder es johr warte bis zom nöchschtemou, en wiiteri konfettiöberraschig vom glotti ond em glötti, nomou zroggluege, wehmüetig is bett go....